صعيدى لكن جدع

أه حانت لحظة الأنتقام والتشفى
فلمن لا يعرف منكم أنا أسكندرانى من جذور صعيدية وأفتخر بها
لولا حكاية النكت دى كنت حطيت صورة البحر فى أ سكندرية وجنبها قله صعيدى علىالتشيرت
وأنا عادة أكتر من يطلق النكت على الصعايدة وأضحك عليها ولكن بعض النكت تزعجنى ومنها النكتة التى كانت تقول

"مره واحد صعيدى خد 100 قلم على سهوة"

وكنت شايفها نكته بايخة وغير منطقية

والأن كلما فكرت فى الأحداث الأخيرة

الأستفتاء على المادة 76
الأنتخابات الرئاسية
أنتخابات مجلس الشعب
مناقشات تعديل الدستور
الأستفتاء على الدستور

عذرت أخى الصعيدى اللى خد 100 قلم على سهوة
وأحسست أن أهل بحرى وأهل الصعيد اصبحوا فى الهم سواء
وانه لن يعد هناك مجال للضحك على أبن عمى المظلوم والذى لا أعرفه

وأياكم بعد كده أسمع واحد بيقول النكته دى عشان حضحك عليه قوى
تصوروا 100 قلم على سهوه

هم يبكى وهم يضحك

أروع دستور فى العالم

أنه أروع يوم فى تاريخ مصر بل ربما فى تاريخ البشرية جمعاء جمعععععععععااااااااااء
هذا اليوم التاريخى الذى يصوت فيه المصريون لأول مرة فى التاريخ البشرى على أهدار أدميتهم وحريتهم بأرادتهم الحرة دون ضغوط
فلأول مرة يصوت شعب بالموافقة(النتيجة من كنترول الحزب الوطنى) على أهدار القليل الباقى من أرادته من أجل عيون السيد جمال مبارك
طبعا بغض النظر على أن المنظمون هم الذين قاموا بالتصويت نيابة عن الشعب لكن هذا لا يهم فى شىء
لأنه أعظم دستور فى العالم ....فلا مجال للمذايدات
أيه يعتى أن الدستور لا يضع حد معين لفترات حكم الرئيس هو أنتوا عايزين جمال يجى يحكم فترتين ويروح ...ده انتوا ناس معندهاش دم
وأيه يعنى ان التصويت يتم على باقة التعديلات بالجملة دون تفصيل ...يجب أن تعرفوا أن البيعه كلها على بعض يا تخدوها يا حنطين عشيتكم وعلى العموم أحنا حطينا التعديلات الكويسة على وش القفص عشان ما تزعلوش
ثم أن لكل حكومة شعب تشكمة .....يعنى الحكومة حتجيب شعب غيركم تشكمة بقانون الأرهاب منين أنتوا عارفين النفر من الشعوب النضيفة يقع بكام دلوفتى
ثم أن مهرجين الحزب الوطنى قد شنفوا أذانكم على مدار شهر كامل بعظمة التعديل وجماله وأنه أنتقل بكم من دستور ذى الزفت الأسود الى دستور ذى الزفت البلاك يعنى خطوة عملاقة على طريق الحرية
دستورنا الجديد تفصيل على مقاس شخص واحد فقط ...عمركم شفتم بدلة تجى على مقاس أكثر من واحد
أيها الشعب ابتهج فأنت تحت حكم أروع عائلة فى العالم

ياترى أروع دى بتجى من الروعة ولا الترويع
معلش أصلى ضعيف فى العربى