قالت زوجتى(طبعا مصريون)د

هذه السطور هى خواطر زوجتى أنشرها على مسئوليتها الخاصة
ولو حصل أى حاجة ....انتو عارفين ....الجرى نص المجدعة

" ما ينفعش أبدأ إلا من مصر!!!!!! ما ينفعش أكون إلا من مصر!!!!
من فترة كنا متجمعيين مجموعة صحاب و سأل واحد......لو لم تكن مصرياً لوددت أن تكون....؟؟؟؟
كل واحد يومها قال رده و أنا و جوزى قلنا طبعاً مصريين
من غير ما نفكر و من غير ما نحسبها,أصلها هيا كده.... أيوه....... مصر كده.. تدخلك من غير إستئذان
تسكنك و تعشش جواك من غير ما تعرف مين فيكم بيتدفى فى التانى..
من غير ما تعرف مين فيكم محتاج التانى!!!
تستحلى حضنها و خضرتها و رملها و أهلها و جوَها و... و... و... و متعدش
واللى عايشين براها حالفيين ليرجعوا
و كل الى حبوها حيرجعوا .... و كل اللى أذوها حيرحلوا
و حتفضل هىَ , زى ما هىَ
صامدة و شامخة
حلوة الحلوات
أصل اللى بنا مصر كان فى الأصل حلوانى.... و عشان كده مصر يا ولاد حلوة الحلوات
مصر........ كنانة الله فى الأرض"ت