الله ما أحلى الفرحة
الأهلى اليوم ثالث أندية العالم فى كأس العالم للأندية
بداية يجب أن أعترف أنى زملكاوى (أخيييييييه) الله يكرمكم مش عاوز أى حد يرجع فى وشى ...أنا عارف أن الزمالك فرقة تجيب الضغط والسكر والأكتئاب النفسى بس أعمل أيه نصيبى كده
منذ عام كامل وأنا فى حالة أنبهار بالفريق الأهلاوى الأحمروأقوم بتشجيعه فى كل المسابقات الخارجية (قلبى مش مطاوعنى أشجعه فى الدورى العام لسه
المهم بغض النظر على الأداء الراقى الذى يقدمه نجوم الأهلى وعلى رأسهم النجم الخلوق محمد أبو تريكه فالسر فى قوة هذا النادى تكمن فى كلمة واحدة......النظام
الجميع يلتزم بسيستم عمل راقى مافيش حد بيفتى فى اللى ملهوش فيه....والكل يحاول أن يلتزم بأصول عمله ويخلص له
الأدارة فى الأهلى علم وليس مصالح وفساد وخناقات
الهدوء الذى يظلل العمل العام فى الأهلى يمنح الجميع الفرصة للتطوير والتقدم للأمام والنظام العقابى الرادع الذى يسرى على الجميع دون محاباه ...يمنح الكل أطمئنانا إلى العدالة فى الأدارة
اليوم شعرت برغبة عارمة أن أدعو أن تصبح مصر كلها بمؤسساتها وسياستها مثل النادى الأهلى
الذين يديرون الأهلى ليسوا عباقرة ولكنهم يعملون فقط بأخلاص من أجل الصالح العام
وفى ألاخر منك لله ياللى فى بالى
ما تفهموش غلط
انا قصدى على مرتضى منصور مش على اللى فى بالكم
هناك ٣ تعليقات:
الظاهر ان الاهلى هو الحاجه الوحيده اللى فاضله علشان تفرح الشعب المصرى
مبــــــــــــــــــروك
اولا الاهلى كسب اهلا وسهلا تشرفنا
لكن مش معنى كده ان اسمع المذيعة النهاردة الصبح فى اذاعة مصر بتقول ان الاوراق المالية اتاثرت بفوز الاهلى مش والنبى ده يبقى كتير اوى ما علينا لا واللى يغيظ اكتر ان الضيف يرد عليها ويقولها (ده طبيعى لما الرياضة تنتعش الاقتصاد كمان ينتعش)بزمتك لما تسمع كده تتشل ولا لا والا اقولك بعد الشر عليك
ثانيا انا بحب الثبات على المبدا يعنى تعيش وتموت زملكاوى
المهاجر المصرى
والله أحنا فى عرض أى حاجة تفرحنا
أمانى
كله سمك لبن تمر هندى
طالما محدش فاهم حاجة يبقى اللى يقول يقول
حكاية تعيش وتموت زملكاوى مش باين عليها حتحصل
هى يا تتجن يا تموت زملكاوى
إرسال تعليق