فلسفة الحياة
ليست الفوز دائما
فلسفة الحياة
هى النضال بشرف
أليست هذه هى فلسفه أسلامية بجدارة السعى نحو الأفضل ,جهاد النفس
وترك النتيجة ليدى الرحمن يفعل بها ما يشاء
الأهم هو أن تصبح راضيا عن نفسك وأن تشعر أنك فعلت ما عليك
ليست الفوز دائما
فلسفة الحياة
هى النضال بشرف
أليست هذه هى فلسفه أسلامية بجدارة السعى نحو الأفضل ,جهاد النفس
وترك النتيجة ليدى الرحمن يفعل بها ما يشاء
الأهم هو أن تصبح راضيا عن نفسك وأن تشعر أنك فعلت ما عليك
هناك ١٣ تعليقًا:
ياه بجد انا مندهشة لسه فى ناس بتؤمن بالفلسفة دى
معلش هو سؤال محرج يا ترى انت بتنفذ الفلسفة فى حياتك وشغلك؟
لو متردد فى الاجابة خلاص بلاش
أولا المقولة لجان جاك رسو
وأنا أردت فقط الرجوع بالفكرة الى نظرية أسلامية أساسية وهى ببساطة
الرضا والتوكل
أن تفعل ما عليك وتترك الباقى لله وترضى بالنتيجة
أما عن عملى فأنا أحاول وأفشل فى أغلب الأحيان
ولكنى أعتقد انها الحل الوحيد للخروج من الحالة النفسية السيئة عندما لا تصل لما تريد
النضال بشرف
مع الفرسان فقط
اما في طب عين شمس مثلا
الفوز لولاد الدكاترة
و المحاسيب
و لا مجال لكلمة شرف
--------
تحياتي
ونعم بالله...
كله فى علم الله
نسيت اقولك
انى اللنك بتاعك عندى
(وجع دماغ)
لو عاوزنى اغيره قولى
سلام لاحلى اسكندريه فى الدنيا
كلبوزة
موضوع النضال يبقى بشرف ولا لأ ده موضوع كبير حبيتين
يعنى هى الغاية تبرر الوسيلة ولا ماتبررهاش؟
وهل يوجد دائما وسائل شريفة لتحقيق الغاية ولا لأ؟
ولا لازم للحق قوة تحميه؟
المهاجر المصرى
شكرا على الزيارة
أنا سميت المدونة وجع دماغ عشان عاوز أوجع دماغى ودماغك ودماغ الناس شويتين
يمكن لما دماغنا توجعنا
نفكر شوية ممكن نعمل أيه فى الواقع الزفت بتاع البلد
عشان كده ...لا أعتراض
كلام سليم
بس فى الزمن اللى مش سليم
مها
السلام عليكم
انا عايزة اقولك اني حاولت اطبق النظرية دي في حياتي
بس اكتشفت اني لما بناضل بمووت
مش موت ابدي بس موت حلم
اني احارب واعمل اللي عليا
مش بقت تيجي معايا
تنجح وتجيب تقدير في الكلية تلاقي ولاد داترة واقفين ضدك
تشتغل وتراعي ربنا تلاقي الحسوبية والرشوة والفساد مالينك وبيطلعوا علي افاك
تمشي عدل وتحترم نفسك وتكون صريح تلاقي الف بنت لافة وداية ومقطعه السمكة هي اللي مخطوبة ومتجوزة
مش تشرب سجاير ولا ليك في الهلس تلاقي الناس بتقولك انت مش من هنا وبكدة اصبحت عملة نادرة مالهاش تمن واصبحت غير صالح للاستعمال الادمي
يؤسفني اني اعلن اني فشلت فشل ذريع في النضال
ولا عزاء للمحاربين
هذه المدونة محترمة وأحترم صاحبها .. أخي الكريم تحياتي لك ولكل من يكتب عندك هنا
لو سمحت لي بمداخلة بسيطة استكمالاً لموضوعك .. سأورد نقطة ربما بعيدة بعض الشيء .. في أحد المؤتمرات عن الجودة خرج أحد الخواجات الكبار جداً في جامعه زي هارفاره كده وقال وهو يعرف أننا مسلمون فهو في بلد إسلامي حتى اللحظه .. كان قد أعجبه مداخلة لنا وتعريف للجودة على طريقتنا
قال
لو كان هذا دينكم فلماذا دعوتموني لتعليمكم الجودة .؟ قالها بالطبع في جانب وليس على الملأ .. وأخذ معه بضعة كتب من أحد الإخوة الذي تغيب يوماً كي يوفرها له على ما أتذكر .. كتب إسلامية مترجمه .. لقد بهت الرجل من الكتب التي أعطاها له أخانا عن المعاملات في الإسلام وأشياء مشابهه .. لم يكن يتخيل هذا مطلقا .. ولا أدري ما حاله اليوم بعد سنوات .. كل ما أذكره هو عبارته الشهيرة تلك .. لو أن دينكم به ما تقولون فلماذا تطلبون منا تعليمكم الجودة؟
لقد ابتعدنا كثيرا عن جوهر وأصل الدين وانشغل بعضنا بأمور غريبة أو أشغلونا بها .. ربك يعدلها
افعل ما عليك واترك الباقي على الله
نعم ولكن اعرف أولا حدود ما هو عليك وكيف تفعله بصدق ووضوح وتأكد من النتيجه بحسن الظن في الله وثقتك بمهاراتك
تحياتي للجميع
جميله تلك الفلسفه
و امل ما فيها لو تحقق طرفي المعادله النضال و الشرف
احم.. احم
فى حد هنا؟ أصل دى أول زيارة ليا
:)
أولا: السلام عليكم
ثانيا: الفلسفة دى أنا مؤمنة بيها جدا.. هى الوحيدة اللى تقدر تخلى الأنسان سعيد مهما كانت ظروفه
أهم حاجة لازم نتحلى بيها هى الرضا على كل ما أعطاه لنا الله.. وده طبعا ما يمنعش أننا نسعى ونجتهد ونأمل للأفضل دايما
ومش لازم نتوقع الفوز على طول أو الهزيمة على طول لأن هى دى سنة الحياة
برنارد شو ليه مقولة جميلة أوى بيقول فيها: الأنسان ممكن يوصل لأعلى القمم لكنه لن يظل هناك طويلا
manal
سواء شئنا ام ابينا كلنا مضطرين لهذة الفلسفة
نستطيع ان نبذل كل ما فى وسعنا ولكن لن يصيبنا الا ما كتب الله لنا
حتي الظروف السيئة التى تحرمنا من حقوقنا غالبا بتكون مجرد اسباب لمنع وصول الشئ لك لانة مش مكتوب ليك
تحياتي لك
مها
أفتقد دائما تعليقاتك
فى الليلة الظلماء يفتقد البدر
tazart
الحكمة موجودة فى كل زمان ومكان
المشكلة فى وجود القادر على تنفيذها
شكرا للمداخلة
سمراء النيل
أعتقد أن مفهوم أعمل اللى عليك
مش لازم تحديده فى أطار أى حاجة والسلام
النضال فى الحياة قد يتطلب دخول معارك قاسية حتى أخر نفس
من أجل الحصول على حق أو أسترجاعه
يعنى لا تراجع ولا أستسلام
سعدت بوجودك معنا
أخى أبن بهيه
بأعتبار أن كلنا ولاد بهيه(مصر)1
أتفق معك مليون % فيما تقول
وشكرا على المجاملة الرقيقة
أم العيال
مرحبا بك فى مدونتى المتواضعة
الجمع بين النضال والشرف هو أساس المبادىء والمثل العليا
والشرف أبدا لا يعنى ضعف ولا أستسلام
مش كده؟
منال
ممكن تتفضلى على طول من غير أستئذان
البيت بيتك
الرضا التى تتحدثين عنه هو أصل سعادة الأنسان
بس مين يطوله
شكرا جدا على الدخول
الزعيمة
فعلا قل لن يصيبنا إلا ما كتب الله لنا
شكرا للجميع
إرسال تعليق